Bekajonlar e'tiboringizga tez va qolaversa mazali, kechki ovqat uchun ajoyib taom retseptini taqdim etaman. Azizlar ushbu taom yozning issiq kunlarida yengil kechki ovqat o'rnini egallashi turgan gap. Vaqtingiz ziqligida tez tayyorlanishi bilan sizga juda ham qo'l keladi. Ushbu taomni albatta sinab ko'ring!
Kerakli masalliqlar:
- 2-3 dona kurka go'shti filesi
- 3 dona sarimsoq tishchasi
- 1 dona timyan shoxchasi
- zaytun yog'i
- ta'bga ko'ra tuz va murch
Salat uchun:
- pomidor cherri
- bodring
- zaytun donachalari
- salat bargi
- zaytun yog'i
- balzamli sirka
Tayyorlash usuli:
1. Kurka go'shti filesini 2 sm qalinlikda kesib chiqing. Go'sht bo'laklarini tuz va murch bilan surting va 20 daqiqaga qoldiring.
2. Bu vaqt mobaynida salatni tayyorlashga kirishing. Sabzavotlarni hohishingizdagidek to'rg'ang. Balzamli sirka va zaytun yog'i bilan aralashtiring.
3. O'rta olovda tovada, zaytun yog'ini qizdiring. Sarimsoq donachalari va timyan shoxchasini bir necha daqiqa, hushbo'y isi tarqalgunga qadar qovuring. So'ng, steyklarni soling.
4. Steyklarni har tomonlama 6-7 daqiqadan qovuring. Olov past olovdan biroz yuqori bo'lishi lozim. Go'shtni belgilangan vaqtdan ortiq qovurib yubormang. Steyklarni har 1,5 daqiqada aylantirib turing.
5. Laganning bir chetiga go'sht bo'lagi, bir chetiga esa tayyorlangan salatdan soling. Taomni issiqligidayoq dasturxonga torting.
Yoqimli ishtaxa!