Aziz bekajonlar oddiy bo'lishiga qaramay juda ham ajoyib va mazali taomni e'tiboringizga tortiq etaman. Qo'ziqorinli asosni o'z ichiga olgan tovuq go'shti juda ham nozik bo'lib tayyorlanadi. Bekajonlar ushbu parxez taom ortiqcha vazndan xalos bo'lishni istagan bekalar uchun ham ma'qul bo'ladi. Tez tayyorlanishi bilan sizga juda ham ma'qul bo'ladi.
Kerakli masalliqlar:
- 4 dona qo'ziqorin (shampinon)
- 1 dona tayyor qavatli xamir
- 2 dona 200 grammli tovuq ko'kragi (filesi)
- 0,5 bog' hovuch petrushka
- ta'bga ko'ra tuz va murch
- 2 dona sarimsoq tishchasi
- 1 osh qoshiq o'simlik yog'i
- biroz zaytun yog'i
Tayyorlash usuli:
1. Qo'ziqorinning yarim qismini katta, qolgan qismini kichik hajmda to'rg'ang. O'rta olovda, sarimsoq bilan qovuring. Olovni o'chiring va maydalangan petrushkani solib, aralashtiring.
2. Tovuq go'shti ko'krak qismini uzunligi bo'ylab kesing. Natijada cho'ntakcha hosil bo'lishi kerak. Cho'ntakchani esa qo'ziqorinli asos bilan to'ldiring.
3. Qavatli xamirni 0,5 sm qalinlikda yoying. Uzun chiziqlar kesing va asosli tovuq ko'kragini extiyotkorlik bilan o'rang. Xamir ichiga berkingan tovuq ko'kragini 200 darajada qizdirilgan pechda, 35 daqiqa davomida pishiring. Birzumda mazali taom tayyor!
Yoqimli ishtaxa!
