Tvorog solib pishiriladigan «mannik» juda mazali, yumshoq va shishib pishadi. Bu avloddan-avlodga o’tib kelayotgan, pazandalar yon daftarchasidan o’rin egallaydigan universal retsept hisoblanadi. Bu pirogning tayyorlanilishi oson, oddiy masalliqlardan foydalanilgan. Har qanday dasturxondan o'zining yorqin o'rnini egallab, dasturxon davrasida hech kimning e'tiboridan chetda qolmaydi.
Kerakli masalliqlar:
- 0,5 kg tvorog
- 5 osh qoshiq smetana
- 4 dona tuxum
- 1 stakan shakar
- 1 stakan manniy yormasi
- 1 osh qoshiq qabartma
- 1 choy qoshiq vanilin shakari
- Bir chimdim tuz
Tayyorlash bosqichlari:
1. Birinchi navbatda tvorog, smetana va manniy yorlasini birlashtiring. So'ng, bir xil massa hosil bo'lgunga qadar aralashtiring.
2. Aloxida idishda tuxum va shakarni yengil ko'pirtiring. Qattiq ko'pik holigacga ko'pirtirish shart emas.
3. Tvorog va tuxumli massani birlashtiring va tvorogning katta qoldiqlari qolmaganligini ko'zdan kechiring. Agarda uchratib qolsangiz, qoshiq yordamida ezing. Qabartma, vanilin shakari va tuzni solib, aralashtiring.
4. Eng asosiy qismni tayyorlab oldik. Endi mannik uchun pishirish qolipini tayyorlashga kirishing. Pishirish qolipini saryog' bilan surting.
5. Manniy yormasini soling.
6. Extiyotkorlik bilan qolipni aylantiring. Manniy yormasi butun qolipni egallashi lozim. ushbu hol pishiriq yopishib, kuyib qolmasligi uchun.
7. Tvorogli massani soling va tekislang. 200 darajada qizdirilgan pechda 30 daqiqa davomida pishiring
8. Natijada mana shunday go'zallik tayyor bo'ladi. Oson kesiladigan va hajmini ushlab turadigan, yumshoq va eng qiziq tomoni juda ham mazali. Mannik tayyor!
Yoqimli ishtaxa!
