Bekajonlar sizlarga juda ham mazali salat retseptini taqdim etmoqchiman. Kunlar isishi bilan taom tayyorlashga ko'p vaqt sariflashni hohlamay qolamiz. Ko'ngil esa yengil bo'lishiga qaramay mazali taomlarni tusaydi. Ushbu salatni tayyorlash uchun esa 15 daqiqagina vaqtingiz ketadi xolos. Vitaminlarga boy va yengil salat.
Kerakli masalliqlar:
- 150 gramm pomidor
- 30 gramm qizil piyoz
- 40 gramm brinza
- 30 gramm rukola ko'kati
- 2 gramm kashnich
- 10 gramm zaytun yog'i
- 6 gramm balzamli krem
Tayyorlash usuli:
1. Pomidorni katta bo'laklarda kesing.
2. Tozalangan qizil piyozni yarim halqa shaklida to'rg'ang va pomidor bilan birlashtiring.
3. Pomidor va piyozni zaytun yog'i bilan cho'miltiring.
4. Brinzani esa uchburchak shaklda kesing.
5. Kashnuch shoxlarini tanasidan ajrating. Salat tortiladigan laganning chet qismlariga kashnuch barglarini tering, ustiga brinza bo'laklarini qo'ying. Laganning markaziy qismiga konditer qolipi yordamida, pomidor va piyoz aralashmasini soling.
6. Pomidor ustiga rukolla ko'katini qo'ying, zaytun yog'idan seping va extiyotkorlik bilan qolipni oling.
7. Salatni dasturxonga tortishdan avval balzamli krem bilan sepgan holda dasturxonga torting. Salat tayyor!
Yoqimli ishtaxa!
