Omlet - bu nonushta uchun ajoyib tanlov! Omletning ham bir necha turlari mavjud. Bugun e'tiboringizga yengil va mazali omlet retseptini taqdim etamiz. Ushbu usulda tayyorlangan omlet ertalabki nonushta dasturxonida barcha uchun ma'qul bo'lishi turgan gap.
Kerakli masalliqlar:
3 dona tuxum
1 choy qoshiq sut
50 gramm pishloq
1 osh qoshiq saryog'
Ta'bga ko'ra tuz va murch
Tayyorlash usuli:
1. Tuxum va sutni birlashtiring. Sanchqi yordamida ko'pirtiring.
2. Qizdirilgan tovada saryog'ni eriting. Buning uchun tova yetarli darajada qizdirilgan bo'lishi lozim.
3. Saryog' ko'pik holida erigandan so'ng, tuxumli massani quying. Tuxumli massa tovaning tag qismini butunlay qoplashi lozim. Huddi blinchik singari tuxumli massani quyishingiz bilan tovani aylantiring.
4. Omlet butunlay tayyor bo'lishiga 1 daqiqa qolganda omletning yarim qismiga qirg'ichdan chiqarilgan pishloqni seping va 20 daqiqa tayyorlang.
5. Oshxona lopatkasi yordamida omletning ikkinchi qismini pishloq sepilgan qismi bilan birlashtiring. Olovni o'chiring va 30 daqiqaga tovada qoldiring.
6. Tayyor va nozik omletni dasturxonga torting.
Yoqimli ishtaxa!
Omletga yanada hushta'mlik bag'ishlash uchun tayyorlash davomida ko'kat qo'shishingiz ham mumkin. Bu yanada hushta'mlik va ishtaxa ochar ko'rinish bag'ishlaydi.
