Chizkeyk desertini hush ko'ruvchilar uchun ushbu usul bilan tayyorlangan desert ham juda ma'qul bo'ladi. Tayyorlangan desert nozik va hushbo'y, ishtaxa ochar ko'rinishga ega. Dasturxon davrasida esa hech kimning e'tiboridan chetda qolmasligi aniq.
Kerakli masalliqlar:
1 stakan shakar
500 gramm chernika mevasi
500 gramm tvorog
280 gramm smetana
280 ml qaymoq
100 gramm saryog'
2 dona laym sharbati va qirg'ichdan chiqarilgan po'sti
300 gramm oson ushoqlanuvchi pechenya
4 choy qoshiq jelatin
Tayyorlash usuli:
1. Jelatinni 3 osh qoshiq qaynatib, sovutilgan suvda, 20-25 daqiqaga uyuting. Eritilgan saryog' va ushoqlangan pechenyani birlashtiring, aralashtiring. Ajratiladigan qolipga pergament qog'ozi yozing, saryog'li pechenyani soling. Qolip devorlari bo'ylab zich holda yoyib chiqing. 180 darajada qizdirilgan gaz pechida 10 daqiqa davomida pishiring. So'ng, sovuting.
2. Chernikani yuving. Chernika mevasini 1/3 qismini, 0,75 stakan shakar va 1 dona laym po'stini, 3 osh qoshiq suvni kastryulkada birlashtiring. 2 daqiqaga olovga qo'ying, mevalarni ezilishni boshlagunga qadar qaynating. So'ng, mevalarni sharbatdan ajrating. Sharbat quyilgan kastryulkani olovga qo'ying va 2-3 daqiqa davomida qaynating. Qolgan chernika mevasini sharbatga soling. Xona haroratida sovuting, so'ng muzlatgichga olib qo'ying.
3. Desert asosini tayyorlashga kirishing. Tvorog, qaymoq, smetana, shakar, laym sharbati va qolgan laym po'stini birlashtiring va ko'pirtiring.
4. Uyutilgan jelatinni qaynash darajasiga olib boring. So'ng, sovuting. Aralashtirishni to'xtatmagan holda tvorogli massaga qo'shing va bir xil konsistensiya hosil bo'lgunga qadar aralashtiring.
5. Sharbatda qaynatilgan mevalarni tvorogli massaga soling va aylanasiga aralashtiring.
6. Tayyorlangan korjga tvorogli asosni soling, tekislang. 4 soatga muzlatgichga qo'ying. Belgilangan vaqt o'tib chizkeykni chernikali sharbat va mevalar bilan bezating. Dasturxonga torting.
Yoqimli ishtaxa!
