Limonli choylarni hamma sevib iste’mol qiladi. Xo’sh, limon va choy solib pishirilgan keks ham, shunday mazalimikan? Albatta! Bir marotaba pishirib ko’rib, so’ng bu ta’mni unuta olmasligingiz aniq. Taomnomadan o'zining o'rnini egallab, yaqinlaringiz uchun juda ham manzur bo'ladigan keks.
Kerakli masalliqlar:
Xamir uchun:
270 gramm shakar
4 ta tuxum
10 gramm Erl Grey choyi
6.5 gramm qabartma
230 gramm un
120 gramm 35 %li yog'li qaymoq
85 gramm sariyog'
Glazur uchun:
300 gramm shakar upasi
60 millilitr limon sharbati
1 o'ramcha Erl Grey quruq choyi
Tayyorlash usuli:
1. Qozonchaga qaymoq va quruq choyni solib, qizdiramiz. So'ng sariyog'ni solib, to'liq erigunga qadar kovlab turamiz. Choy shammasi maydalanib ketishi uchun blenderda yaxshilab maydalaymiz.
⠀
2. Alohida idishga un bilan qabartmani elab solamiz.
⠀
3. Tuxum bilan shakarni alohida idishga solib, mikserda yaxshilab ko'pirtiramiz. Oqimtir va cho'ziluvchan massa hosil bo'ladi.
⠀
4. Tuxumli aralashma ustidan unni oz-ozdan solamiz va qoshiq yoki oshxona "lopatka"si bilan aralashtirib olamiz.
⠀
5. Xamir ustidan qaymoqni quyib, yana aralashtirib olamiz.
⠀
6. Pishiradigan qolipimizga pergament qog'oz to'shab, xamirni quyamiz. Pechni 160 C darajaga qizdiramiz va keksni qo'yib, 45-60 daqiqa davomida pishirib olamiz. Tayyor bo'lganini gugurt cho'pi yordamida tekshirib ko'ramiz.
⠀
7. Pishgan keksni olib, qolipining o'zida sovutamiz.
⠀
8.Glazuriga:
Qozonchaga limon sharbatlarini siqib quyamiz va gazga qo'yib, qaynash darajasiga keltiramiz. O'ramchali choyni solib, biroz qaynatamiz. So'ng gazdan olib, shakar upasini solamiz va mikserda yaxshilab ko'pirtirib olamiz. Suyuqlik 60 ml bo'lishi shart. Agar qaynash jarayonida bir qismi bug'lanib ketsa, unda yana ozroq soling.
⠀
9. Glazurni keksning ustidan bir maromda quyib, 60 C darajada qizigan pechda, 20 daqiqa davomida pishirib olamiz.
⠀
Yoqimli ishtaha!
