Bayram dasturxoni uchun ajoyib tanlov! Tez tayyorlanishi bilan sizga ma'qul bo'luvchi gazak retseptini taqdim etamiz. Foydalanilgan masalliqlar bir-biri bilan kirishib, juda ham mazali ta'mni yuzaga keltirib chiqaradi. Dasturxon davrasida barcha uchun ma'qul bo'lishi turgan gap.
Kerakli masalliqlar:
3 dona tuxum
500 ml sut
60 ml o'simlik yog'i
250 gramm un
30 gramm shakar
1 choy qoshiq tuz
400 gramm tvorogli pishloq
400 gramm tuzlangan semga balig'i
100 gramm zaytun donachasi (danaksiz)
Tayyorlash usuli:
1. Birinchi navbatda blinchik xamirini ko'rsatilgan masalliqlardan tayyorlang.
2. Blinchiklarni pishiring va sovuting.
3. Aloxida idishga bir blinchikdan qo'ying. Tvorogli pishloqdan surting.
4. Ikkinchi blinchikni yoping va baliq bo'laklarini terib chiqing. Keyingi blinchik ustiga pishloqdan surting. Shu tartibda blinchik yoki asos tugagunga qadar kanapeni yig'ing.
5. Tayyorlangan kanapeni maxsus kanape qolipi, o'tkir pichoq, yoki pitsa kesish pichog'i bilan kesib chiqing. Kesilgan kanape sochilib ketmasligi uchun tish pichog'i bilan sanchib, zaytun donachasidan bir donadan sanching.
6. Tayyor va mazali gazakni dasturxonga torting.
Yoqimli ishtaxa!