Yengil va vitaminlarga boy, to'yimli taom. Dasturxon davrasida hech kimning e'tiboridan chetda qolmaydi. Balki, barcha uchun ma'qul bo'lishi turgan gap. Tayyorlanishi birzumgina vaqtingizni oladi xolos.
Kerakli masalliqlar:
2 ta yaxshi pishgan avokado
ismaloq
1/4 stakan laym sharbati
2 osh qoshiq zaytun yog`i
1 bo`lak sarimsoqpiyoz
1 choy qoshiq tuz
1/4 choy qoshiq maydalangan qora murch
370 g un pastasi
pastadan qolgan 1/2 stakana bulon
400 g tozalangan krevetkk
2 osh qoshiq maydalangan kinza
Tayyorlanish usuli:
1. Maydalangan avokadoga ismaloq, 2 osh qoshiq laym sharbati, 1 oshqoshiq zaytun yog`i, sarimsoqpiyoz, tuz, qora murchni solib, qorishma holiga kelguncha aralashtiring va bir chetga olib qo`ying.
2. Pastani qaynatib oling. Suyuqlikni chovlidan o`tkazib olishdan oldin, alohida idishga yarim stakan olib qo`ying.
3. Tovaga bir osh qoshiq zaytun yog`i solib, qizdiring. Krivetkalarni yupqa qavat qilib, taxlang. Ularning ustidan tuz solib, 2 daqiqa qovurib oling. Ularni sekin ag`darib, orqa tomonini ham qizartirib oling. Yana bir daqiqa yaxshilab qovurib, olovni o`chiring.
4. Krevetkalarga 2 oshqoshiq laym sharbati va 2 choy qoshiq kinza solib, aralashtiring.
5. Pastani chuqur idishga soling. Avokadoli sousni iliq pastaga qo`shing. Agar u juda quyuq bo`lsa, kerakli suyuqlikka erishish uchun ugraning sho`rvasidan 2 osh qoshiq qo`shing.
6. Krevetkalarning ustidan pastani quyib, lazzatli taomni yaqinlaringiz bilan maza qilib, tanovul qiling.
Yoqimli ishtaxa!
