Biskvit tayyorlash haqida ko'pchilikda har xil savollar tug'iladi. Biskvit tayyorlashda amal qilinishi kerak bo'lgan qat'iy qonunlar mavjud. Bugun sizlarni ushbu qonunlar bialn tanishtiramiz.
1. Tuxumlar sovutilgan bo'lishi kerak ya'ni muzlatgichdan oliboq foydalaning. Sovuq holatdagi tuxum yaxshi ko'piradi va yaxshi ko'tariladi.
2. Tuxum ko'pirtiradigan idishingiz va mikser toza va quruq bo'lishi shart. Yog'li yoki nam idishda tuxum yaxshi ko'pirmaydi.
3. 1 ta o'rtacha tuxumga 1 osh qoshiq (to'la) un va 1 osh qoshiq shakar to'g'ri keladi. Lekin bu tuxum katta kichikligiga qarab o'zgaradi.
4. Biskvit tayyorlashda avval tuxum oqi ko'pirtirilib, so'ng sarig'i qo'shilar edi. Biroq o'zingizni qiynamang, tuxum oqi va sarig'ini birgalikda ko'pirtirgan holda ham ijobiy natijaga erishish mumkin. Faqat bunda mikseringizni kuchi 600WATT dan kam bo'lmasligi kerak.
5. Biskvitni pishirishdan avval gaz pechini qizdirib oling.
6. Tarkibida 5-6 ta tuxum ishtirok etgan biskvit 180 darajada, 40 daqiqa davomida butunlay tayyor bo'ladi. Biroq, gaz pechlarining darajalari har xilligini hisobga olgan pishirish jarayonini extiyotkorlik bilan kuzating.
7. Tuxum soniga qarab biskvit pishish vaqti uzaytiriladi yoki kamaytiriladi.
8. Biskvit pishganda ko'tarilib, bir oz vaqt o'tib cho'kib qolsa, demak kerakli miqdorda un solingmagan bo'ladi. Aksincha ko'tarilmay ustki qismi tayyor, ichki qismi hom bo'lsa un miqdori ko'p bo'ladi.