Kezekuxen - bu nemischa tvorogli pirog. U juda ham nozik va hushbo'y iforga ega. Bir chashka qaxva va ushbu pirog bo'lagi sizni va yaqinlaringizni chindan hursand qila oladi. Mazali ushbu pirogni albatta tayyorlang va yaqinlaringizga hushkayfiyat ulashing.
Kerakli masalliqlar:
Xamir uchun:
250 gramm un
125 gramm saryog'
100 gramm shakar kukuni
1 dona tuxum
1 choy qoshiq qabartma
Asosiga:
3 dona tuxum
100 gramm shakar kukuni
10-15 gramm vanilin shakari
600 gramm tvorog
30 gramm kraxmal
240 gramm 30% qaymoq
Tayyorlash usuli:
1. Sovuq holdagi bo'laklarga bo'lingan saryog' va unnu pichoq yordamida ushoq holiga keltiring. Shakar kukuni, qabartma va tuxumni solib xamir qoring.
2. Xamirni ikki qismga bo'ling. Bir qismi kichikroq, ikkinchi qismi kattaroq bo'lsin. Xamirning kichik qismini oziq-ovqat plonkasi yordamida yoying. Yog' surtib, un sepilgan qolipga soling. Xamirning ikkinchi qismini qolip devorlari bo'ylab yoying. Xamir yoyilgan qolipni asos tayyor bo'lgunga qadar muzlatgichga qo'ying.
3. Tuxum oqdan sariqlarini ajrating. Tuxum sariqlarini shakar kukuni va vanilin shakari bilan yorqin rangga kirgunga qadar ko'pirtiring. Tvorog va kraxmalni birlashtiring va aralashtiring.
4. Qaymoqni tvorog bilan aralashtiring.
5. Tuxum oqlarini hajmini ushlab turuvchi massa holigacha ko'pirtiring. Tvorog bilan birlashtiring va extiyotkorlik bilan aralashtiring. Tvorogli asosni qolipdagi xamir ustidan quying. Qolipni bir necha bor silkiting.
6. 180 darajada qizdirilgan gaz pechida 65-75 daqiqa davomida pishiring. Bu muhim! Gaz pechini 40 daqiqa davomida ochmang. Belgilangan vaqt o'tib, tayyor pirogni qolipda sovuting.
7. Nozik va mazali pirogni issiq damlangan qaxva bilan dasturxonga torting.
Yoqimli ishtaxa!
