Gazak uchun ajoyib tanlov! Tayyorlanishi hech qanday qiyinchilik tug'dirmaydi. Natijasi dasturxon davrasida barchani lol qoldirishi turgan gap. Taomnomadan o'z o'rnini egallaydi. Ushbu retseptni albatta tayyorlang!
Kerakli masalliqlar:
2 dona baqlajon
150 gramm o'simlik yog'i
100 gramm pishloq
150 gramm tvorog
3-5 dona sarimsoq donachasi
40 gramm yong'oq
40 gramm ko'kat (ukrop, kashnuch, rayhon)
Tayyorlash usuli:
1. Yuvilgan baqlajonni uzunligi bo'ylab, yupqa shaklda kesib chiqing. Tuz seping va 5 daqiqaga qoldiring. So'ng, yuving va quriting.
2. Tovada yog'ni qizdiring. Baqlajon bo'laklarini har tomonlama, qizartirib qovuring. So'ng, oshxona sochig'iga oling, ortiqcha yog'i ajralishi uchun.
3. Asosni tayyorlang. Qirg'ichdan chiqarilgan pishloq, tvorog, mayda to'rg'algan sarimsoq, ko'kat va maydalangan yong'oq, tuz, murchni birlashtiring va aralashtiring.
4. Baqlajon bo'lagi boshiga choy qoshiqda asosdan soling va rulet shaklda o'rang.
5. Tayyor ruletni ko'kat shoxchalari va maydalangan yong'oq bilan bezating. Dasturxonga torting.
Yoqimli ishtaxa!
