Meksikaliklarning kundalik, sevimli tamaddilaridan biri. Juda ham mazali va vitaminlarga boy. Tayyolanishi oddiy, natijasi dasturxon davrasida barchani lol qoldirishi turgan gap. Taomnoma uchun chinakam yangilik. Ushbu retseptni albatta tayyorlang!
Kerakli masalliqlar:
2 dona lavash noni (yumaloq shaklda)
100 gramm sabzavot
70-100 gramm tovuq go'shti filesi
80 gramm "Edam" pishlog'i
50 gramm barbekyu sousi
Petrushka, ziravorlar ta'bga ko'ra
O'simlik yog'i
Tayyorlash usuli:
1. Tovuq go'shti filesini o'rta qismidan ikki qismga bo'ling. Ziravorlarga bulang, zaytun yog'i surting. Qizdirilgan, quruq tovada go'shtni qovuring. Go'sht butunlay tayyor bo'lishi uchun gaz pechida tayyorlang.
2. Tayyor go'shtni bo'laklarga bo'ling.
3. Tanlangan sabzavotlarni somoncha shaklda to'rg'ang. Tovada qizdirilgan yog'da sabzavotlarni qovuring. Maydalangan ko'kat seping, loviya konservasini soling.
4. Lavash noni oson o'ralishi uchun ozgina isitib oling. Barbekyu sousi bilan surting va pishloq bo'lagini qo'ying.
5. Sabzavotlar, go'sht va qirg'ichdan chiqarilgan pishloq seping. Lavash noni chetlarini buking, rulet shaklida o'rang.
6. Mazali va vitaminlarga boy bo'lgan burittoni yaqinlaringizga taqdim eting.
Yoqimli ishtaxa!
