Tasty pie - inglizchadan olingan bo'lib, mazali pirog degan ma'noni bildiradi. Sizlarga juda ham mazali pirog retseptini taqdim etamiz. Tayyorlanishi oddiy, natijasi esa dasturxon davrasida barchani lol qoldiradi. Taomnomangizdan o'zining o'rnini egallashi turgan gap. Ushbu retseptni albatta tayyorlang !
Kerakli masalliqlar :
Xamir uchun :
100 ml sut
7-10 gramm xamirturush
0.5choy qoshiq shakar
1 dona tuxum
1 osh qoshiq o'simlik yog'i
200-250 gramm un
Tuz
Asosiga :
300 gramm shampinon
400 gramm kartoshka
150 gramm piyoz
150 gramm pishloq
Smetana
Tayyorlash usullari :
1. Isitilgan sutga xamirturushni soling.
2. Shakarni soling va issiq joyga qo'ying.
3. Taxminan 15 daqiqadan so'ng, aralashma hajmi ko'tariladi.
4. Tuxum va tuzni xamirturushli massaga solib aralashtiring.
5. O'simlik yog'ini quying.
6. Unni soling va yumshoq xamir qoring.
7. Xamir ustini yoping va issiq joyga 30 daqiqaga olib qo'ying. Xamir hajmi ko'tarilishi lozim.
8. Piyozni tozalang va yupqa halqa shaklida kesing.
9. Shampinon va kartoshkani ham shuningdek, yupqa, halqa shaklida to'rg'ang.
10. Pishloqni qirg'ichning kichik tomonidan chiqaring.
11. Diametri 26 sm, balandligi 3-4 sm bo'lgan pishirish qolipini yog' bilan surting. Xamirni 3mm qalinlikda, pishirish qolipi devorlari bo'ylab yoying.
12. Smetana surting.
13. Kesilgan shampinonlarni tering, tuz va murch seping.
14. Shampinonlar ustidan piyozni soling.
15. Kartoshkani terib chiqing va tuz seping.
16. Kartoshka ustidan smetana surting.
17. Surtilgan smetana ustidan qirg'ichdan chiqarilgan pishloqni seping. 180 darajada qizdirilgan gaz pechida 30-35 daqiqa davomida pishiring.
18. Tayyor mazali pirogni issiqligida dasturxonga torting.
Yoqimli sihtaxa !
