Har bir bekaning o'ziga xos retsepti mavjud. Shunday ekan sizlarga juda ham nozik va mazali blinchik retseptini taqdim etamiz. Ertalabki nonushta uchun ajoyib tanlov. Ushbu retsept taomnomangizdan o'rin olishi turgan gap.
Kerakli masalliqlar :
500 ml sut
2 dona tuxum
2 osh qoshiq o'simlik yog'i
1 osh qoshiq shakar
200 gramm un
2 choy qoshiq qabartma yoki 1 choy qoshiq ichimlik sodasi
Tuz
Tayyorlash usullari :
1. Tuxumni shakar va tuz bilan ko'pirtiring.
2. O'simlik yog'ini quying va aralashtiring.
3. Sutni quying va yaxshilab aralashtiring.
4. Un va qabartmani soling va venchik yoki mikser yordamida aralashtiring.
5. Tovani qizdiring. Yog' surting. Xamirdan bir qism quying va tovani aylantiring. Xamir bir xil yoyilishi uchun.
6. Xamir qizarishi bilan aylantiring.
7. Qolgan xamir qismini ham shu tarzda pishiring. Tayyor, mazali blinchikni smetana, murabbo yoki djemlar bilan dasturxonga torting.
Yoqimli ishtaxa !
