Mo'jizaviy va noan'anaviy desert ! Tayyorlanishi oddiy, natijasi esa sizni lol qoldirishi turgan gap. Taomnomangiz uchun ajoyib yangilik. Dasturxon davrasida hech kimning e'tiboridan chetda qolmasligi aniq. Buni albatta tayyorlang !
Kerakli masalliqlar :
100 gramm shirin, tayyor popkorn
400 gramm shokolad
500 gramm tvorog
200 gramm yogurt
1 dona limon
20 gramm jelatin
200 gramm qaymoq
100 gramm shakar
Tayyorlash usullari :
1. Birinchi navbatda jelatinni 150 ml qaynatib, sovutilgan suvda, jelatin qog'ozida ko'rsatilgan vaqt bo'yicha uyuting.
2. Shokoladni suv xammomida eriting.
3. Popkorn va eritilgan shokoladni birlashtiring.
4. Pishirish qolipiga popkornli massani yoyib, soling va muzlatgichga qo'ying.
5. Jelatinni qaynash darajasiga olib boring. Biroq, qaynatib yubormang.
6. Limon mevasidan 50 ml sharbat chiqaring.
7. Qaymoqni shakar bilan birga ko'pirtiring.
8. Tvorogni yogurt bilan aralashtiring.
9. Limon sharbatini tvorogli massa bilan aralashtiring.
10. Ko'pirtirilgan qaymoq va tvorogli massani birlashtiring.
11. Jelatinni qo'shing va aralashtiring.
12. Tayyorlangan asosni popkornli massa ustiga soling. 6-8 soatga muzlatgichga qo'ying.
13. Belgilangan vaqt o'tib desert ustini popkorn va eritilgan shokolad bilan bezating. Mazali desertni yaqinlaringizga taqdim eting.
Yoqimli ishtaxa !
