Mo'jizaviy desert ! Foydalanilgan masalliqlar bir-biri bilan kirishib ajoyib va sizni lol qoldiradigan ta'mni yuzaga keltirib chiqaradi. Tayyorlanishi juda ham oddiy. Dasturxon davrasida hech kimning e'tiboridan chetda qolmasligi turgan gap. Buni albatta sinab ko'ring !
Kerakli masalliqlar :
1 dona tuxum
50 gramm shakar
70 gramm saryog'
20 gramm kakao kukuni
30 gramm bodom
100-150 gramm un
Asosiga :
4 dona tuxum + 1 dona tuxum sarig'i
150 gramm shakar
150 ml qaymoq
2 dona limon
Shuningdek :
Shokolad yoki maxsus shokolad bezagi
Tayyorlash usullari :
1. Bodomni blender yordamida maydalang.
2. Xamirni tayyorlang. Tuxum va shakarni birlashtiring, ko'pirtiring.
3. Saryog'ni qo'shing va aralashtiring.
4. Bodomni soling va aralashtiring.
5. Kakao kukunini birlashtiring.
6. Unni soling va xamir qoring.
7. Diametri 24-26 pishirish qolipiga yog' surting. Xamirni soling va devorlari bo'ylab yoyib chiqing.
8. Xamir ustini yoping va 30 daqiqaga muzlatgichga qo'ying.
9. Belgilangan vaqt o'tib xamir ustini oching va pergament qog'ozi yozing.
10. Xamir tekis holda pishib chiqishi uchun pergament qog'ozi ustidan no'xot soling. 180 darajada qizdirilgan gaz pechida 15-20 daqiqa davomida pishiring.
11. Desert asosini tayyorlang. Limon terisini qirg'ichdan chiqaring.
13. Limon mevasidan 100 ml sharbat chiqaring.
14. Tuxum va tuxum sarig'ini shakar bilan ko'pirtiring.
15. Qaymoqni qo'shing, aralashtiring.
16. Limon terisi va sharbatini soling va aralashtiring.
17. Tayyorlangan massani sovugan korj ustidan quying. 180 darajada qizdirilgan gaz pechida 40-45 daqiqa davomida pishiring.
18. Belgilangan vaqt o'tib pishirib chiqgan desertni sovuting va desert ustini qirg'ichdan chiqarilgan shokolad yoki shokolad bezagi bilan bezating. Tayyor, nozik va mazali desertni yaqinlaringiz e'tiboriga taqdim eting.
Yoqimli ishtaxa !
