Mo'jizaviy desert ! Ko'rinishiga munosib, nozik krem, mazali korj bu sizni lol qoldiradi. Tayyorlanishi oddiy, natijasi esa sizni lol qoldirishi turgan gap. Dasturxon davrasida hech kimning e'tiboridan chetda qolmaydi. Buni albatta tayyorlang !
Kerakli masalliqlar :
Xamir uchun :
200 ml saryog'
200 gramm shakar
7 dona tuxum
10 gramm qabartma
400-450 gramm un
100 gramm achchiq shokolad
Krem uchun :
700 ml sut
70 gramm manniy yormasi
120 gramm saryog'
150 gramm shakar
1 dona limon
Tayyorlash usullari :
1. Limon mevasi po'stini qirg'ichdan chiqaring.
2. Limon sharbatini chiqaring.
3. Sutni olovga qo'ying va qaynash darajasiga olib boring.
4. Manniy yormasini qo'shing.
5. Past olovda doim aralashtirgan holda 10-15 daqiqa davomida qaynating. So'ng, sovuting.
6. Saryog'ni shakar bilan aralashtiring.
7. Sovutilgan manniy bo'tqasiga limon sharbati va po'stini soling va aralashtiring.
8. Saryog'li massa va manniy yormasidan tayyorlangan massalarni birlashtiring.
9. Mikser yordamida ko'pirtiring. Natijada quyuq krem hosil bo'ladi. Tayyor kremni 1 soatga muzlatgichga qo'ying.
10. Shokoladni suv xammomida eriting.
11. Xamirni tayyorlang. Saryog'ni shakar bilan aralashtiring.
12. Tuxumni ko'pirtiring va saryog'li massa bilan birlashtiring.
13. Un va qabartmani soling va quyuq xamir qoring.
14. Xamirni teng ikki qismga bo'ling.
15. Xamirning bir qismiga eritilgan shokoladni qo'shing va aralashtiring.
16. Yog' surtilgan pishirish qolipiga xamirni soling. 180 darajada qizdirilgan gaz pechida 25-30 daqiqa davomida pishiring.
17. Shokolad qo'shilgan xamir qismi bilan ham shu holni takrorlang.
18. Pishirilgan korjlarning har birini ikki qismga bo'ling. Natijada 4 dona korj hosil bo'ladi.
19. Desert yig'iladigan idishga birinchi navbatda qora korjning birini qo'ying.
20. Krem surting.
21. Krem ustidan sariq kremni yoping.
22. Qolgan korj va krem bilan ham shu holni takrorlang. Desertni 8-10 soatga muzlatgichga qo'ying.
23. Belgilangan vaqt o'tib, tayyor desertni hohishingizga ko'ra bezating. Eritilgan shokolad yoki maydalangan yong'oq. Nozik va mazali desertni yaqinlaringiz e'tiboriga taqdim eting.
Yoqimli ishtaxa !
