Ajoyib va nozik desert ! Ushbu desertda ajoyib ta'mga ega bo'lgan o'rmon mevalaridan biri brusnika ishtirok etib, tayyorlanishi oddiy, natijasi esa mo'jizaviy lazzatlanish baxtini taqdim etadi. Kundalik taomnomangizga yangilik kiritishning vaqti keldi. Buni albatta tayyorlang !
Kerakli masalliqlar :
150 gramm shakar
150 gramm saryog'
2 choy qoshiq vanilin shakari
4 dona tuxum
70 gramm kakao kukuni
2 choy qoshiq qabartma
350-400 gramm un
Krem uchun :
500 gramm smetana
150 gramm shakar
Asosiga :
400 gramm brusnika mevasi (yangi yoki muzlatilgan)
Tayyorlash usullari :
1. Yumshatilgan saryog'ni shakar va vanilin shakari bilan aralashtiring.
2. Tuxumni soling va bir xil massa hosil bo'lgunga qadar aralashtiring.
3. Kakao kukunini soling va aralashtiring.
4. Un va qabartmani soling va quyuq xamir qoring.
5. Yog' surtilgan pishirish qolipiga xamirning bir qismini quying. 180 darajada qizdirilgan gaz pechida 15-20 daqiqa davomida pishiring. Shu usul bilan xamirning qolgan qismini ham pishiring. Pishirilgan korjlarning har birini 2 qismga bo'ling. Natijada 4 dona korj hosil bo'ladi.
6. Bu vaqt mobaynida kremni tayyorlang. Smetanani shakar bilan aralashtiring.
7. Desertni yig'ishni boshlang. Desert yig'iladigan idishga korjning 1 qo'ying. Krem surting.
8. Tozalangan brusnika mevasini soling.
9. Ikkinchi korjni qo'ying va krem bilan surting.
10. Qolgan korj, krem va brusnika mevasi bilan shu usulni takrorlang. Desertni 6-8 soatga muzlatgichga qo'ying.
11. Belgilangan vaqt o'tib, nozik va mazali desertni yaqinlaringiz e'tiboriga taqdim eting. Ularni lol qoldirishning vaqti keldi.
Yoqimli ishtaxa !
