Meksika oshxonasining eng mashhur souslaridan biri bu albatta salsa. Ushbu mazali sous kabob va har qanday turda tayyorlangan go'shtlar uchun ajoyib tanlov. Tayyorlanishi oddiy va tayyorlash uchun barcha masalliqlar yilning barcha faslida mavjud. Ajoyib va mazali ushbu sousni albatta tayyorlang !
Kerakli masalliqlar :
500 gramm pomidor
150 gramm piyoz
1 dona qalampir (achchiq)
0,5 laym sharbati
2 dona sarimsoq donachasi
1 bog' kashnuch ko'kati (ushbu retseptda petrushka)
Tuz va murch
O'simlik yog'i
Tayyorlash usullari :
1. Piyoz va sarimsoqni mayda shaklda to'rg'ang.
2. Pomidor po'stini tozalang va mayda to'rtburchak shaklda to'rg'ang. Shuningdek, qalampirni ichki qismini tozalang va maydalang.
3. Ko'katni maydalab to'rg'ang.
4. Qizdirilgan yog'da piyoz va sarimsoqni qovuring.
5. Qovurilayotgan piyozga pomidorni birlashtiring, tuz va murch qo'shing. 2-3 daqiqa davomida past olovda dimlang.
6. Maydalangan qalampir va laym sharbatini soling, aralashtiring. 2-3 daqiqa davomida dimlang.
7. Belgilangan vaqt o'tib, ko'katni soling va aralashtiring. So'ng, olovdan oling.
8. Tayyorlangan sousni sovuting va tayyorlangan taomga qo'shimcha sifatida dasturxonga torting.
Yoqimli ishtaxa !
