Har qanday dasturxonni bezash uchun ideal tanlov. Mevalardan tayyorlangan salat va ananas po'stidan tayyorlangan go'zal ko'rinishga ega qayiq shakli noan'anaviy va chiroyli ko'rinishga ega. Tayyorlanishi oddiy bo'lgan ushbu mevalar jamlanmasi dasturxon davrasida barchaga manzur bo'lish bilan birga, barchani hayratga solishi turgan gap.
Kerakli masalliqlar :
1 dona ananas
1-2 dona banan
1 dona apelsin
1-2 dona kivi
1 dona olma
Hohishingizga ko'ra yong'oq turlari
Tayyorlash usullari :
1. Ananas mevasini o'rtasidan ikki qismga bo'ling. Ichki yumshoq qismini ajrating.
2. Ajratib olingan ananasning ichki qismini mayda to'rtburchak shaklda to'rg'ang.
3. Qolgan barcha mevalarni tozalang va mayda to'rtburchak shaklda to'rg'ang.
4. Tayyorlangan mevalarni salat idishida birlashtiring. Maydalangan yong'oqlarni qo'shing, shakar kukuni yoki yogurt qo'shib, extiyotkorlik bilan aralshtiring.
5. Tayyorlangan salatni ananas po'stidan tayyorlangan qayiqchaga soling va yalpiz barglari bilan bezating.
6. Ishtaxa ochar va mazali mevali salatni dasturxonga torting.
Yoqimli ishtaxa !
