Ushbu Fransuz bezesini katta bir tort sifatida tayyorlash ham mumkin. Lekin, bugun sizlar bilan ushbu bezeni huddi pirojni tariqasida tayyorlaymiz. Nozik va nafis bezelar sizning kechki ovqat dasturxoningizda asosiy desert vazifasini o'tashi aniq. Beze tayyorlash qiyin deb o'ylaysizmi? Hech ham tashvishlanmang buning hech ham qiyinchiligi yo'q.
Kerakli masalliqlar:
1 choy qoshiq sirka
1/2 choy qoshiq vanilin ekstrakti
200 ml qaymoqli krem
100 gramm murabbo
2 choy qoshiq kraxmal
230 gramm shakar kukuni
2 osh qoshiq smetana
Ta'bga ko'ra mevalar (malina, qulupnoy, apelsin)
4 dona tuxum oqi
Bir chimdim tuz
Tayyorlash usuli:
1. Birinchi navbatda tuxum oqini bir chimdim tuz bilan ko'pirtiring. Ko'pirtirishni davom etgan holda oz-ozdan shakar kukunini qo'shing. So'ng, 2 choy qoshiq kraxmal, 1/2 choy qoshiq vanilin ekstrakti va choy qoshiq sirkani qo'shing.
2. Pishirish qolipiga pergament qog'ozini yozing. Orasidan joy qoldirgan holda 3 osh qoshiqdan tayyorlangan massani solib chiqing. Huddi quyidagi rasmdek.
3. Oldindan 160 darajada qizdirilgan gaz pechida 20-25 daqiqa davomida pishiring. Gaz pechini o'chirib, 30 daqiqaga gaz pechining pastgi qismida qoldiring. So'ng, tayyor bezelarni olib, butunlay sovuting.
4. Endi esa eng qiziqarli jarayon. Tanlagan mevalaringizni tozalab, yuving. Mavsumga qarab mevalarni tanlashingiz mumkin. Ushbu retseptda shaftoli va uzumning 2 xil turi ishtirok etgan. Va yana yalpiz barglari.
5. Beze o'rtasiga qaymoqli kremdan soling. Krem ustidan tayyorlangan mevalarni tering va shakar kukuni seping.
6. Fransuzcha bezelar tayyor!
Yoqimli ishtaxa!
