Shirin tortlar har doim kattalar va bolalar tomonidan sevib iste'mol qilinadi. Shunday ekan ushbu tort ham sizga ma'qul bo'ladi. Uning nozik kremi va yumshoq biskvit noni bir-biri bilan uyg'unlashib sizga ajoyib lazzatlanishni baxsh etadi.
Kerakli masalliqlar:
500 gramm un
1/2 choy qoshiq ichimlik sodasi
150 gramm saryog'
200 gramm shakar
4 dona tuxum
1 choy qoshiq vanilin
1/2 stakan yogurt
300 gramm gilos
1/2 choy qoshiq tuz
Krem uchun:
200 gramm shakar kukuni
2 osh qoshiq saryog'
2 osh qoshiq sut
Tayyorlash usuli:
1. Eng avvalo 180-200 darajada gaz pechini qizdirib oling. Chuqur idishga un, tuz, vanilin kukunini birlashtiring. Bo'laklarga bo'lingan saryog' va yogurtni qo'shing. Bir xil massa hosil bo'lgunga qadar aralashtiring.
2. Aloxida idishda saryog' va shakarni oppoq, bir xil konsistensiya hosil bo'lguncha ko'pirtiring. Tuxumlarni birma-bir qo'shib, ko'pirtirishda davom eting.
3. Un aralashmasiga bo'laklarga bo'lingan gilos, ustidan saryog' va tuxumli aralashmani solib, extiyotkorlik bilan aralashtiring. Suyuq xamirni pishirish qolipiga quying va 20 daqiqa davomida pishiring.
4. Krem uchun : shakar va saryog'ni ko'pirtiring va 2 osh qoshiq sut qo'shib, yengil, oppoq krem hosil qiling.
5. Tayyor va sovugan biskvit nonini 2 qismga bo'ling. Biskvit nonining pastgi qismiga krem surting, gilos tering va biskvit noni ikkinchi qismini yoping. Biskvit noni atroflari va ustini krem bilan qoplang. Tayyor tort ustini gilos va shokolad bo'lakchalari bilan bezating. Tort tayyor!
Yoqimli ishtaxa!
