Dudlangan baliq juda ham ko'p taomlar bilan birlasha olish xususiyatiga ega. Dudlangan baliq delikates mahsuloti hisoblanib, juda ham mazalidir. Bunday baliqdan tayyorlangan salat sizning dasturxoningiz markazidan joy egallab, mexmonlarning nazaridan hech ham chetda qolmaydi.
Kerakli masalliqlar:
0,5 dona dudlangan baliq (skumbriya)
3 dona tuxum
2 dona shirin olma navi
1 dona katta bodring
100 - 120 ml mayonez
80 gramm yashil no'xot konservasi
1 bog'dan ukrop va ko'k piyoz
Tayyorlash usuli:
1. Kerakli masalliqlarni tayyorlang. Tuxumni qaynatib oling, meva va sabzavotlarni tozalab yuving. Yashil no'xot konservasini oching.
2. Qaynatilgan tuxum, bodring va olmani o'rtacha hajmda to'rtburchak shaklda to'rg'ang.
3. Dudlangan baliqni qiltiriqlarida yaxshilab tozalang va maydalab to'rg'ang.
4. Tayyorlangan barcha masalliqlarni birlashtiring. Yashil no'xot va mayonez qo'shib, yaxshilab aralashtiring.
5. Salatni dasturxonga tortishdan avval likopchalarga chiroyli qilib soling va ko'kat shoxchasi, maydalangan ko'k piyoz bilan bezating. Salat tayyor!
Yoqimli ishtaxa!
