Hushbo'y qo'ziqorinli sho'rva retsepti bilan tanishing. Ushbu taomni tayyorlashda qo'ziqorinning har qanday turidan foydalanish mumkin. Tayyorlanish jarayonida hech qanday murakkab jarayonlarni bajarish shart emas. Yengil va juda ham mazali ushbu taom sizga va yaqinlaringizga manzur bo'ladi degan umiddaman. Aziz bekajonlar ushbu taomni albatta sinab ko'ring!
Kerakli masalliqlar:
- 20-25 dona shampinon yoki qo'ziqorinning boshqa turi
- 1 osh qoshiq zaytun yog'i
- 1 osh qoshiq saryog'
- 1 dona piyoz (to'rg'algan)
- 1 dona sabzi (to'rg'algan)
- 1 choy qoshiq tuz
- 2,5 stakan suv
- 1,5 stakan qaymoq
- ta'bga ko'ra murch
- bezash uchun ko'k piyoz
Tayyorlash usuli:
1. Tozalab, yuvilgan qo'ziqorinni o'rtacha kattalikda to'rg'ang. Kastryulkada 1 osh qoshiqdan zaytun va saryog'ni qizdiring. 10 daqiqa davomida qo'ziqorinni qovuring, yumshoq holga kelgunga qadar. Qo'ziqorinning yarim qismini lagan ga olib qo'ying.
2. Kastryulkada qolgan qo'ziqorin qismi bilan to'rg'algan piyoz, sabzi, tuz, murchni uchrashtiring. Sabzavotlarni birgalikda 10 daqiqa tayyorlashda davom eting.
3. Sabzavotlarni 2,5 stakan suvga cho'mdiring va o'rta olovda, 20 daqiqa davomida qaynating. Ta'bga ko'ra suv miqdorini ko'paytirish mumkin.
4. Belgilangan vaqt o'tib olovdan oling va bir oz sovuting. Kombayn yoki blender yordamida, bir xil konsistensiyali pyure tayyorlang.
5. Tayyorlangan pyureni qaytadan kastryulkaga soling, olib qo'yilgan qo'ziqorin va 1,5 stakan qaymoqni quying. Olovga qo'ying va qaynash darajasigacha olib boring. Qaynagandan so'ng, past olovda, qopqoq ostida, 5 daqiqa, aralashtirib turgan holda tayyorlang.
6. Ta'bga ko'ra tuz va murchni rostlang. Shuningdek, to'rg'algan ko'k piyozni solib aralashtiring. Taom tayyor!
Yoqimli ishtaxa!
