Bozorlarda yangi sabzavot va mevalar ko'zingizni qamashtiradi. Taomnomaga rang-baranglik kiritish uchun yangi sabzavot va mevalardan pirog tayyorlashning ayni vaqti. Shunday ekan e'tiboringizga juda ham mazali, tvorog-sabzavotli pirog retseptini taqdim etaman. Aziz bekajonlar har qanday dasturxondan o'z o'rnini egallovchi yorqin pirog aynan ushbudir. Albatta sinab ko'ring!
Kerakli masalliqlar:
- 300 gramm un
- 50 ml zaytun yog'i
- bir chimdim tuz
- 2 dona o'rtacha hajmda qovoq (kabachki)
- 200 gramm tvorog
- 50 gramm zaytun donachalari (danaksiz)
- 3 dona tuxum
- 3 dona tuxum sarig'i
- 100 gramm qattiq pishloq
- 1 dona piyoz, 1 dona sarimsoq tishchasi
- 3-4 dona rayhon shoxchasi
- 6-7 dona pomidor cherri
- 1 choy qoshiq tuz va quritilgan ko'katlar jamlanmasi
Tayyorlash usuli:
1. Birinchi navbatda xamirni tayyorlang. Tog'orachaga unning bir qismini soling, tuxum sarig'i, tuz, zaytun yog'ini birlashtirib, cho'ziluvchan xamir qoring. Unni xamirni nazorat qilgan holda soling. Xamirni 15-20 daqiqaga qoldiring. Xamir qattiq bo'lsa, aslo havotirlanmang. Oziq-ovqat paketiga solib, 30 daqiqaga muzlatgichga olib qo'ying.
2. Pirog uchun asosni tayyorlang. Qovoqni po'stidan tozalang, katta bo'lmagan, to'rtburchak shaklda to'rg'ang. Zaytun donachalarini 4 qismga bo'ling, piyoz va rayhonni mayda to'rg'ang. Sabzavotlarga tuz, murch va ziravorlarni solib aralashtiring.
3. Tvorogni qirg'ichdan chiqarilgan pishloq va 3 dona tuxum bilan birlashtiring. Mikser yordamida aralashtiring va sabzavotlar bilan tvorogli massani uchrashtiring.
4. Xamirni oling, yumaloq shaklda yoying, pishirish qolipiga soling va ortiqcha qismlarini kesib tashlang. Xamir qolip devori bo'ylab 3-4 sm bo'lishi lozim. Xamirning ustiga pomidor cherrini terib chiqing.
5. Pomidor ustiga tvorog-sabzavotli asosni soling, tekislang. 180 darajagacha qizdirilgan pechda, 50-55 daqiqa davomida pishiring. Asosga hohishingizga ko'ra ko'katlardan solish ham mumkin.
6. Ushbu pirogning pishish vaqti uzoqligining boisi shundaki, bu vaqt mobaynida tayyorlangan asosdagi mahsulotlar bir-biri bilan kirishib, ajoyib ta'mga ega bo'lib tayyorlanadi. Pirog tayyor!
Yoqimli ishtaxa!
