Yozning issiq kunlarida kishi yengil, tetiklashtiruvchi va salqinlashtiruvchi taomlarni tanovvul qilishni hohlaydi. Shunday ekan aziz bekajonlar e'tiboringizga tez tayyorlanadigan salat retseptini taqdim etaman. Retseptni saqlab qolish yodingizdan chiqmasin!
Kerakli masalliqlar:
- 1 dona bodring
- 1-2 dona pomidor (kichik hajmda)
- 1 dona bulg'or qalampiri
- 1 dona kichik hajmda qizil piyoz
- brinza
- quritilgan rayhon ko'kati
- zaytun yog'i
- tuz va murch
- bir necha dona zaytun donachasi
Tayyorlash usuli:
1. Bodringni po'stidan ajrating.
2. Yumaloq shaklda to'rg'ang.
3. Yuvilgan pomidorni to'rt qismga bo'ling.
4. Qizil piyozni tozalang va yupqa, yumaloq shaklda kesing.
5. Bulg'or qalampirini ikki qismga bo'ling, ichki qismini tozalang. O'rtacha kattalikda, to'rtburchak shaklda to'rg'ang.
6. Brinzani to'rtburchak shaklda bo'laklarga bo'ling.
7. Bodring, pomidor, bulg'or qalampirini bir idishda jamlang. Ta'bga ko'ra tuz va murch seping. Aralashtiring. Laganga soling, ustiga qizil piyoz va zaytun donachalari, brinzani terib chiqing. Zaytun yog'idan quying.
8. Quritilgan rayhon ko'katidan seping. Mazali salat tayyor!
Yoqimli ishtaxa!
