Bifshteks - to'rg'algan go'sht bilan tayyorlangan kotlet. Ingliz oshxonasining sevimli va mashhur taomlaridan biri. Ushbu usul bilan tayyorlangan bifshteks kotletida haqiqiy go'shtning mazali ta'mini tuyish mumkin. Yaqinlaringiz uchun chinakam restoran taomini tayyorlashni hohlaysizmi? U holda tavsiya etadigan bifshteks kotleti retsepti chinakam lazzatbaxsh va juda ham mazali. Ushbu kotletga garnir sifatida makaron, guruch, sabzavotlardan tayyorlashingiz mumkin.
Kerakli masalliqlar:
- 350 gramm mol go'shti (suyaksiz)
- 1 dona tuxum
- 1/4 dona piyoz
- 3/4 stakan qurigan non ushog'i
- ta'bga ko'ra tuz va murch
Tayyorlash usuli:
1. Mol go'shtini yuving, quriting va maydalab kesing.
2.Aloxida idishda non ushog'i va tuxum, ziravorlarni birlashtiring.
3. Go'shtni non ushog'i aralashmasi bilan uchrashtiring.
4. Tozalangan piyozni mayda to'rg'ang.
5. Go'shtli aralashmaga piyozni tushuring va aralashtiring.
6. Tovani qizdiring va o'simlik yog'idan quying. Tayyorlangan go'shtli massadan bifshteksni 2 sm qalinlikda shakllantiring. Har tomonlama 5 daqiqadan qovuring. Go'sht butunlay qovurilgan darajada tayyor bo'lmasligi lozim. Bordi-yu siz butunlay tayyor go'shtni iste'mol qilishni hohlasangiz bifshteksni pechda tayyorlashni davom eting. Bifshteks tayyor!
Yoqimli ishtaxa!
