Bekajonlar sizlarga ajoyib mazali, og'izda shundoqqina erib ketadigan shu bilan birga tayyorlanishi juda ham oson bo'lgan pechenya retseptini taqdim etaman. Tayyorlagan chog'ingiz dasturxondan birzumdagina g'oyib bo'lib qoladigan pechenya aynan ushbu pechenyadir. Foydalaniladigan masalliqlar xonadoningizning o'zidayoq mavjud.
Kerakli masalliqlar:
350 gramm tvorog
250 gramm margarin (yumshatilgan)
420-450 gramm un
1 choy qoshiq qabartma
1 gramm vanilin
100 gramm shakar
Tayyorlash usuli:
1. Tvorogni yumshatilgan margarin, vanilin bilan sanchqi yordamida ezing (margarinni hohishingizga ko'ra saryog' bilan almashtirishingiz ham mumkin).
2. Un va qabartmani soling. Sizga bir maslahat unning barcha qismini solmaslikni maslahat beramiz. Tvorogning namligi har xilligi sababli barcha unni solib qo'ysangiz xamir qattiq bo'lib qolishi mumkin. Biz tayyorlaydigan xamir esa yumshoq biroq, yopishqoq bo'lmasligi lozim. Xamirni 30 daqiqaga muzlatgichga qo'ying.
3. Sovuq xamirni 0,5 sm qalinlikda yoying. Xamirni ozgina unlab yoying. Yoyilgan xamirdan hohishingizdagidek shakllar kesib chiqing.
4. Shakarni bir idishga soling. Pechenyaning bir tomonini shakarga bulab oling va barmoqlaringiz bilan ezib qo'ying. Shakar yopishib qolishi uchun.
5. Shakarga botirilgan pechenyalarni pergament qog'ozi yozilgan qolipga terib chiqing.
6. Pechenyalarni 200 darajada qizdirilgan pechda 15-20 daqiqa davomida, och tilla tusga kirgunga qadar pishiring. So'ng, tayyor pechenyalarni bir oz sovuting.
Yoqimli ishtaxa!
