Aziz bekajonlar yana bir ajoyib mazali taom retseptini taqdim etishni ma'qul ko'rdim. ushbu retsept bo'yicha tayyorlangan tovuq oyoqchalari haqiqatdan ham mazali, nozik, sharbatli va go'zal ishtaxa ochar bo'lib tayyorlanadi. Retseptni saqlab qolish yodingizdan chiqmasin. Birzumda tayyor bo'luvchi mazali taomni albatta tayyorlang!
Kerakli masalliqlar:
- 1 kg tovuq oyoqchalari
- 150 gramm asal
- 50 ml suv
- 2 choy qoshiq ziravorlar guldastasi
- 4 dona sarimsoq tishchasi
- 5 gramm zanjabil (imbir)
Tayyorlash usuli:
1. Zanjabilni tozalang va qirg'ichning kichik tomonidan chiqaring.
2. Sarimsoqni maxsus pressdan chiqaring.
3. Tovuq oyoqchalarini tozalang, yuving va quriting. Oshxona tog'orachasiga soling. Ziravorlar guldastasi, asal, sarimsoq, zanjabil va issiq suvni quying. Masalliqlar yaxshilab bir-biri bilan kirishgunga qadar aralashtiring. Marinadlangan oyoqchalarni 30 daqiqaga muzlatgichga joylang.
4. Belgilangan vaqt o'tib, oyoqchalarni pergament qog'ozi yozilgan pishirish qolipiga terib chiqing. 180 darajada qizdirilgan pechda, 15-20 daqiqa davomida pishiring.
5. Mazali taom tayyor!
Yoqimli ishtaxa!
