Etiboringizga nozik va mazali, tvorogli zapekanka retseptini taqdim etamiz. Foydalanilgan masalliqlar bir-biri bilan kirishib, natijada chinakam lazzatbaxsh ta'mni yuzaga keltirib chiqaradi. Tayyorlanishi hech ham qiyinchilik tug'dirmaydi. Hushbo'y isi xonadoningizga tarqalishi bilanoq, barcha yaqinlaringiz dasturxon davrasida jam bo'ladi.
Kerakli masalliqlar:
- 300 gramm tvorog
- 2 osh qoshiq shakar
- 2 osh qoshiq manniy yormasi
- 50 gramm sut yoki qaymoq
- 50 gramm saryog'
- 2 dona tuxum
- 1 choy qoshiq vanilin
- 1 hovuch quritilgan gilos yoki mayiz
Tayyorlash usuli:
1. Tvorog, tuxum, yumshatilgan saryog' va shakarni birlashtiring.
2. Mikser yoki venchik yordamida aralashtiring.
3. Sutni quying va 2-3 daqiqa davomida ko'pirtiring.
4. Manniy yormasi va gilosni soling. Oshxona lopatkasi yordamida aralashtiring.
5. 10-20 daqiqaga qoldiring, manniy yormasi shishi uchun. So'ng, maxsus maffin idishlariga tayyorlangan massadan soling. Agar siz temir qoliplardan foydalansangiz u holda yumshatilgan saryog' surting va manniy yormasi bilan sepib chiqing.
6. 180 darajada qizdirilgan pechda 20 daqiqa davomida pishiring. Pishirish jarayonida pech eshigini aslo ochmang. Aks holda kutilgan natijaga erisha olmaysiz.
7. Belgilangan vaqt o'tib, nozik va mazali zapekankani ozgina sovuting. Smetana, quyultirilgan sut va gilos donachalari bilan bezatgan holda dasturxonga torting.
Yoqimli ishtaxa!
