Vaqtingiz ziq paytda sizga shunday qo'l keladigan pirog retseptini taqdim etamiz. Tez tayyorlanishi bilan birga lazzatbaxsh mazasi bilan sizni lol qoldiradi. Dasturxondan o'zining yorqin o'rnini egallab, barcha uchun ma'qul bo'lishi turgan gap.
Kerakli masalliqlar:
100 gramm un
100 gramm tvorog
100 gramm saryog'
2 dona olma
1 osh qoshiq jigarrang shakar
1 dona tuxum
0,5 choy qoshiq dolchin (koritsa)
1 choy qoshiq konyak yoki rom (ta'bga ko'ra)
1 choy qoshiq limon sharbati
1-2 choy qoshiq shakar kukuni
Tayyorlash usuli:
1. Blender idishida tvorog, un va saryog'ni birlashtiring. Baland tezlikda aralashtiring.
2. Tuxumni soling va tezlik bilan xamir qoring. Saryog' erib ketishni boshlamasdan xamirni tayyorlang. Tayyor xamirni oziq-ovqat plonkasiga o'rang va 30 daqiqaga muzlatgichga qo'ying.
3. Olmalarni yuving, o'rta qismini tozalang. Hohishga ko'ra terisini archib tashlashingiz ham mumkin.
4. Parrak shaklda to'rg'ang. Limon sharbari, konyak, shakar va dolchin sepib aralashtiring.
5. Un sepilgan stol ustida xamirni o'rta qalinlikda yoying. Pishirish qolipiga xamirni soling, xamirni huddi g'ijimlagan kabi soling.
6. Olma mevasini terib chiqing. Ajralgan sirop bilan sepib chiqing. 200 darajada qizdirilgan pechda 30 daqiqa davomida pishiring.
7. Tayyor pirogni oshxona panjarasida bir oz sovuting. Dasturxonga tortishdan avval shakar kukuni bilan seping, yalpiz shoxchalari bilan bezating.
Yoqimli ishtaxa!
