Ustki qismi qarsildoq, ichi nozik bo'lgan sirniklar kattalarga va bolajonlarga juda ham ma'qul bo'ladi. Ertalabki nonushta uchun to'yimli va ajoyib tanlov. Taqdim etilgan retsept bo'yicha tayyorlangan sirniklar tvorogni hush ko'rmaydigan bolajonlar tomonidan ham sevib iste'mol qilinadi.
Kerakli masalliqlar:
- 600 gramm tvorog
- 3 dona tuxum
- 60 gramm shakar
- 1/4 choy qoshiq tuz
- 180 gramm manniy yormasi
- 50 gramm qora mayiz
- 100 ml o'simlik yog'i
Tayyorlash usuli:
1. Tvorogni sanchqi bilan ezing va tuxum solib, aralashtiring.
2. Shakar, tuz, 4-5 osh qoshiq manniy yormasini soling. Bir xil massa hosil bo'lguncha aralashtiring va 20 daqiqaga qoldiring.
3. Yuvilgan qora mayizni quriting va tvorogli massaga soling.
4. Tvorogli massadan osh qoshiqda oling va manniy yormasiga yumalating. So'ng, sirnik shaklini shakllantiring.
5. Tayyor sirniklarni qizdirilgan yog'da, o'rta olovda, har tomonlama tilla tusga kirgunga qadar qovuring.
6. Mazali sirniklarni smetana yoki quyultirilgan sut, murabbo bilan dasturxonga torting.
Yoqimli ishtaxa!
