Tez tayyorlanadigan taomlarni hush ko'ruvchilar uchun ajoyib tanlov. Oddiy masalliqlardan tayyorlangan mazali sendvich barcha yaqinlaringiz uchun ma'qul bo'lishi turgan gap. Ushbu taomni albatta tayyorlang!
Ushbu retseptda bekondan foydalanilgan. Siz esa dudlangan kolbasa yoki go'shtdan foydalanishingiz mumkin.
Kerakli masalliqlar:
100 gramm tovuq ko'kragi
1 dona mini baget
20 gramm dudlangan kolbasa yoki go'sht
40 gramm pomidor
1 dona salat bargi
100 gramm zaytun yog'i (marinad uchun)
2 dona sarimsoq tishchasi (marinad uchun)
2 osh qoshiq soya sousi (marinad uchun)
5 gramm soya sousi (sous uchun)
40 gramm mayonez (sous uchun)
5 gramm xantal (gorchitsa, sous uchun)
Tayyorlash usuli:
1. Marinad uchun ko'rsatilgan masalliqlar bilan tovuq go'shtini 2 soatga marinadlang. So'ng, har tomonlama, butunlay tayyor bo'lgunga qadar qovuring.
2. Dudlangan kolbasa yoki go'shtni ham shuningdek har tomonlama qovuring.
3. Baget nonini uzunligi bo'ylab ikki qismga bo'ling. Qizdirilgan pechda ustki qismi qarsildoq holga kelgunga qadar pishiring.
4. Sous uchun ko'rsatilgan masalliqlarni birlashtirib, bir xil konsistensiya hosil bo'lgunga qadar sous tayyorlang. Baget bo'laklarini sous bilan surting.
5. Bagetning bir bo'lagiga salat bargini tering. Yumaloq hajmda kesilgan pomidorni tering.
6. Tayyorlangan tovuq go'shtini yupqa parrak shaklda kesib chiqing. Pomidor ustidan tering.
7. Tovuq go'shtini dudlangan kolbasa yoki go'sht bo'laklari bilan berkiting. Ikkinchi baget bo'lagi bilan berkiting. Tayyor sendvichni o'rtasidan ikki qismga bo'ling va darhol dasturxonga torting.
Yoqimli ishtaxa!
