Oddiy va tezpishar, ammo shu bilan birga ajoyib ko’rinishga ham ega desert tayyorlashni istaysizmi? Unday bo’lsa gilos va shokoladli tort qanday tayyorlanadi bilib oling. Har qanday dasturxondan o'zining yorqin o'rnini egallovchi ushbu desertni albatta tayyorlang!
Kerakli masalliqlar:
200 gramm achchiq shokolad
200 gramm gilos
180 gramm saryog'
3/4 stakan pivo (ta'bga ko'ra)
1 stakan shakar
1 stakan un
3 dona tuxum
300 ml qaymoq
1,5 osh qoshiq kako kukuni
1 choy qoshiq qabartma
0,5 dona kivi, 1 osh qoshiq malina yoki gilos sharbati
3 osh qoshiq shokolad tomchisi (ya'ni shokoladli donachalar bezash uchun)
Tayyorlash usuli:
1. Shokolad va saryog'ni birlashtiring. Suv xamomi yoki mikrato'lqinli pechda eriting.
2. Tuxumni saryog'-shokoladli massa bilan ko'pirtiring. Shakar, un, kakao, qabartmani birlashtiring. Shokoladli massaga soling, pivo ichimligini quying va yana bir bor ko'pirtiring.
3. Bezash uchun gilos mevasidan olib qo'ying. Danagidan ajratilgan gilosni soling, aralashtiring. Xamirni pishirish qolipiga soling. 180 darajada qizdirilgan pechda 25 daqiqa davomida pishiring.
4. Sovuq holdagi qaymoqni hajmini ushlab tura oladigan massa holigacha ko'pirtiring. Malina sharbatini quying va aralashtiring.
5. Tortni yig'ishni boshlang. Tayyorlangan korjni ikki qismga bo'ling. Har ikkala korj qismini krem bilan surting. Ustki qismini ham krem bilan surting. Tortning ustki qismini gilos mevasi, kivi bo'lagi va shokolad tomchisi bilan bezating.
6. Tortni 1 soatga muzlatgichga olib qo'ying. Belgilangan vaqt o'tib mazali desertni dasturxonga torting.
Yoqimli ishtaxa!
