Barcha shokolad shinavandalariga mana bunday tortdan tayyorlab ko’rishni tavsiya qilamiz. U qaynoqligida shokolad bo’lagi bilan ajoyib ta’mga kirishsa, sovigandan keyin esa shokoladning bor ta’mini ochib beradi.
Kerakli masalliqlar:
150 gramm qora shokolad
100 gramm sutli shokolad
200 gramm sariyog'
150 gramm shakar
6 ta tuxum
150 gramm bodom
2 osh qoshiq kakao kukuni
Tayyorlash usuli:
1. Birinchi navbatda gaz pechini 180 C darajaga qizdiramiz. Qolipga sariyog' surtib, ozroq kakaodan sepamiz, ortiqchasini esa qoqib tashlaymiz.
⠀
2. Shokolad va sariyog'ni suv bug'iga qo'yib, eritib olamiz.
⠀
3. Mikser yordamida shakar va tuxumni ko'pirtirib olamiz.
⠀
4. Bodomni blenderda maydalab olib, kakao bilan birga tuxumli aralashma ustidan solamiz va aralashtirib olamiz.
⠀
5. Xamirga sovigan shokoladlarni solib, yana bir marotaba aralashtirib olamiz.
⠀
6. Tortni pechga qo'yib, 45 daqiqa davomida pishirib olamiz. Tayyor tortni qolipida sovutib, ustidan kakao yoki shakar upasi sepamiz va kesib, dasturxonga tortamiz.
⠀
Yoqimli ishtaha!
