Korn-dog klyarda tayyorlangan sosiska bo'lib, ushbu taomni tayyorlash usuli oddiy. Asosiysi retsept bo'yicha tayyorlansa bo'lgani. Mazali taom ertalabki nonushta va gazak uchun ajoyib tanlov. Ushbu taom har qanday dasturxondan o'z o'rnini egallash bilan birga dasturxon davrasida barcha uchun ma'qul bo'lishi turgan gap.
Kerakli masalliqlar:
100 gramm un, makkajo'xori uni
3 osh qoshiq shakar
1 osh qoshiq paprika
1,5 choy qoshiq ichimlik sodasi, qabartma
0,5 choy qoshiq tuz
1 dona tuxum
2 osh qoshiq sut
6 dona sosiska
300 ml o'simlik yog'i
Tayyorlash usuli:
1. Birinchi navbatda quruq masalliqlarni birlashtiring. Tuxumni soling, oz-oz miqdorda sutni quyib, aralashtiring. Natijada quyuq xamir kabi massa hosil bo'lishi lozim.
2. Sosiskalarni yog'och tayoqchaga sanchib, unga bulab oling. Unga bulangan sosiska xamirni o'zida yaxshi ushlab qoladi. Bu juda ham muhim.
3. Tayyorlangan xamirni qulay, chuqur idishga soling. Tovada yog'ni qizdiring. So'ng, sosiskani xamirga botirib, tayoqchani biroz aylantiring. Sosiska butunlay xamir bilan qoplanishi lozim.
4. Xamirga botirilgan sosiskalarni qizdirilgan yog'da, tayoqchani aylantirgan holda, tilla tusga kirgunga qadar qovuring.
5. Tayyor korn-doglarni qog'oz sochiqga oling. Ortiqcha yog'i ajralishi uchun.
6. Korn-dogni ketchup va achchiq souslar bilan dasturxonga torting.
Yoqimli ishtaxa!
