«Qizil baxmal» nomli vaflilarning ichi yumshoq, usti esa qarsildoq bo’lib, ulardan shokolad ta’mi kelib turadi. Agarda ularni muzqaymoq bo’lakchasi yoki qaymoq bilan birga iste’mol qilinsa bormi, ajoyib lazzatni kasb etadi.
Kerakli masalliqlar:
280 gramm un
20 gramm kakao kukuni
200 gramm shakar
5 gramm qabartma
300 ml sut
125 ml kefir yoki shakarsiz yogurt
125 gramm sariyog'
2 ta tuxum
1-2 tomchi qizil rangli bo'yoq
Tayyorlash usuli:
1. Quruq masalliqlarni aralashtirib oling: un, kakao, qabartma va shakar.
⠀
2. Boshqa idishga esa sut, kefir va ikkita tuxum sarig'ini solib, aralashtiring.
⠀
3. Sariyog'ni eritib, sovuting. So'ng, suyuq aralashma ustidan quying. Aralashtiring.
⠀
4. Suyuq va quruq massalarni birlashtiring, qizil rangli bo'yoqdan tomizib, bir xil konsistensiya hosil bo'lguncha aralashtiring.
⠀
5. Tuxum oqini yaxshilab ko'pirtiring va xamirga solib, ehtiyotkorlik bilan aralashtirib oling.
⠀
6. Vafli pishirgichni qizdirib, o'simlik yog'i surtib chiqing.
⠀
7. Xamirdan quyib, vaflilarni pishiring. Tayyor vaflilarni issiqligida muzqaymoq yoki shakar upasi sepib, dasturxonga torting.
⠀
Yoqimli ishtaha!
