Qarsildoq xamir ostidagi nozik asos o'zining yorqin ta'miga ega bo'lib, juda ham mazali. Tayyorlanishi oddiy, natijasi esa dasturxon davrasida barchani lol qoldirib, chinakam lazzatlanishni taqdim etadi. Taomnoma uchun yangilik. Ushbu retseptni albatta tayyorlang !
Kerakli masalliqlar :
300 gramm tovuq go'shti filesi
300 gramm shampinon
150 gramm piyoz
100 gramm pishloq
50 ml qaymoq
Ta'bga ko'ra tuz va murch
O'simlik yog'i
Shuningdek :
400 gramm qavatli tayyor xamir
Tuxum sarig'i, kunjut
Tayyorlash usullari :
1. Birinchi navbatda asosni tayyorlang. Piyozni tozalang va mayda shaklda to'rg'ang. Suningdek, tovuq go'shti filesi va shampinonlarni ham mayda shaklda to'rg'ang.
2. Pishloqning katta tomonidan pishloqni chiqaring.
3. Tovada qizdirilgan o'simlik yog'ida avval piyozni so'ng, tovuq go'shti va shampinonni qovuring.
4. Tuz va murch soling va past olovda 15-20 daqiqa davomida qovuring.
5. Qaymoqni qo'shing va olovdan oling. Sovuting.
6. Xamirni 10 sm uzunlikda yoying.
7. Xamirning bir chetidan tayyorlangan asosni soling.
8. Asos ustidan pishloqni soling.
9. Asos solingan xamirni rulet shaklida o'rang.
10. Xamirni pishirish qolipiga huddi rasmdagidek soling.
11. Tuxum sarig'i bilan surting va kunjut seping. 180 darajada qizdirilgan gaz pechida 30-35 daqiqa davomida pishiring.
12. Tayyorlangan mazali pirogni yaqinlaringiz e'tiboriga taqdim eting.
Yoqimli ishtaxa !
