Nozik gilos sousi ostidagi sirniklar ertalabki nonushta uchun ajoyib tanlov. Tayyorlanishi juda ham oddiy, natijasi ertalabki nonushta dasturxonida chinakam lazzatlanishni taqdim etadi. Ushbu retsept bo'yicha albatta tayyorlang !
Kerakli masalliqlar :
400 gramm tvorog
2 dona tuxum
50 gramm shakar
2 choy qoshiq vanilin shakari
100 gramm un (+ 2-3 osh qoshiq)
O'simlik yog'i
Sous uchun :
300 gramm gilos
50 gramm shakar
1 osh qoshiq kraxmal
Tayyorlash usullari :
1. Tvorogni shakar va vanilin shakari bilan aralashtiring.
2. Tuxumni qo'shing va aralashtiring.
3. Unni soling. Yaxshilab aralashtiring. Qo'lga yopishadigan biroq, quyuq xamir qoring.
4. Tayyor xamirni bo'laklarga bo'ling. Sirnik shaklini bering va unga bulang.
5. Tovada qizdirilgan yog'da, sirniklarni ikkala tomonini pishiring (taxminan 10 daqiqa).
6. Sousni tayyorlang. 150 ml sovuq suvda kraxmalni uyuting.
7. Gilos mevasiga shakar va 200 ml suv quyib, qaynash darajasiga olib boring. Past olovda 1-2 daqiqa qaynating.
8. Kraxmalni quying va aralashtiring. Olovdan oling.
9. Sirniklar ustidan tayyorlangan sousni quying. Mazali sirniklarni yaqinlaringiz e'tiboriga taqdim eting.
Yoqimli ishtaxa !
