Juda ham mazali desert ! Taomnomangizdan o'zining yorqin o'rnini egallovchi desert. Tayyorlanishi oddiy, natijasi esa dasturxon davrasida barchani lol qoldirishi turgan gap. Buni albatta tayyorlang !
Kerakli masalliqlar :
Xamir uchun :
2 dona tuxum
100 gramm shakar
100 gramm un
Krem uchun :
300 gramm tvorogli pishloq (filadelfiya yoki almette)
100 ml qaymoq
2 dona tuxum
100 gramm shakar
Vanilin tayoqchasi yoki 1 choy qoshiq vanilin shakari
Shuningdek :
Qulupnoy
Jele
Tayyorlash usullari :
1. Birinchi navbatda biskvitni tayyorlang. Tuxum va shakarni birlashtiring va 5-7 daqiqa davomida ko'pirtiring.
2. Unni qo'shing va extiyotkorlik bilan aralashtiring.
3. Pishirish qolipini yog' bilan surting. Xamirni soling, tekislang. 180 darajada qizdirilgan gaz pechida 10-15 daqiqa davomida pishiring. So'ng, sovuting.
4. Kremni tayyorlang. Tvorogli pishloq va shakarni aralashtiring.
5. Qaymoqni soling va aralashtiring.
6. Tuxumni soling va aralashtiring.
7. Vanilin tayoqchasini ichki qismini ajrating va kremga qo'shing.
8. Kremni sovutilgan korj ustidan quying. 180 darajada qizdirilgan gaz pechida 25-30 daqiqa davomida pishiring. Sovuting.
9. Sovugan krem ustidan kesilgan qulupnoy mevasini terib chiqing.
10. Jeleni qog'ozida ko'rsatilgan usul bilan tayyorlang. Sovugan jeleni qulupnoy ustidan quying. Tayyorlangan desertni 6-8 soatga muzlatgichga qo'ying.
11. Belgilangan vaqt o'tib, mazali va nozik desertni yaqinlaringiz e'tiboriga taqdim eting.
Yoqimli ishtaxa !
