Ajoyib desert ! Nomiga munosib sexrli lazzatlanish baxtini taqdim etadi. Tayyorlanishi oddiy, natijasi esa sizni lol qoldiradi. dasturxon davrasida barcha uchun ma'qul bo'lishi turgan gap. Buni albatta sinab ko'ring !
Kerakli masalliqlar :
6 dona tuxum
150 gramm shakar
250 gramm mayonez
380 gramm quyultirilgan sut
500-550 gramm un
2 choy qoshiq qabartma
Krem uchun :
1 kg smetana
200 gramm shakar
Tayyorlash usullari :
1. Tuxumni shakar bilan aralashtiring.
2. Mayonezni soling va aralashtiring.
3. Quyultirilgan sutni qo'shing va aralashtiring.
4. Un va qabartmani soling va quyuq xamir qoring.
5. Yog' surtilgan pishirish qolipiga 1 sm qalinlikda xamirdan quying. 180 darajada qizdirilgan gaz pechida 20-25 daqiqa davomida pishiring. Tayyorlangan xamirdan 3-4 dona korj pishiring.
6. Bu vaqt mobaynida kremni tayyorlang. Smetanani shakar bilan aralashtiring.
7. Pishirilgan korjlarni har birini 2 qismga bo'lib chiqing. Desert yig'iladigan idishga korjning 1 tasini qo'ying.
8. Krem surting. 2 korjni yoping.
9. Krem surting. Shu tarzda desertni yig'ing. Yig'ilgan desertni 6-8 soatga muzlatgichga qo'ying.
10. Belgilangan vaqt o'tib, tayyor desertni hohishingizga ko'ra bezating. Qirg'ichdan chiqarilgan shokolad bilan tort devorlari va ustini bezating. Sexrli desertni yaqinlaringizga taqdim eting.
Yoqimli ishtaxa !
Tort va desertlar uchun shokoladdan bezak tayyorlash juda ham oddiy. Shokoladni suv xammomida eriting, konditer qopchasiga soling va pergament qog'oziga hohishingizdek gul yoki boshqa naqshlardan chiqaring. Chiqarilgan bezaklarni muzlatgich muzxonasiga 1-2 soatga qo'ying. Shuning bilan bezaklar tayyor !
