Desert juda-juda mazali ! Ajoyib biskvit va nozik krem bir-biri bilan kirishib, mo'jizaviy ta'mni yuzaga keltirib chiqaradi. Kundalik yoki bayram menyusi uchun ajoyib yangilik. Tayyorlanishi oddiy, natijasi esa butun bir lazzatlanishni taqdim etishi turgan gap. Buni albatta sinab ko'ring !
Kerakli masalliqlar :
2 dona tuxum
100 gramm saryog'
120 gramm shakar
20 gramm kakao
100 gramm un
2 choy qoshiq qabartma
Asosiga :
300 ml qaymoq
100 gramm shakar kukuni
50 gramm yong'oq
250 gramm gilos mevasi
50 gramm shokolad (sutli yoki achchiq)
Tayyorlash usullari :
1. Desertning asosiy qismini tayyorlang. Un, kakao kukuni va qabartmani birlashtiring.
2. Saryog'ni qo'shing va aralashtiring.
3. Shakarni birlashtiring va aralashtiring.
4. Tuxumni avval aloxida idishda ko'pirtiring. So'ng, saryog'li massaga qo'shing va bir xil konsistensiya hosil bo'lgunga qadar aralashtiring.
5. Pishirish qolipini yog' bilan surting yoki pergament qog'ozi yozing. Tayyorlangan xamirni soling va tekislang.
6. 180 darajada qizdirilgan gaz pechida 15-20 daqiqa davomida pishiring. Tayyor korjni sovuting.
7. Sovutilgan korjdan salat idishi yordamida yumaloq shakl kesib oling.
8. Kesilgan korjni chetga oling.
9. Salat idishini oziq-ovqat plonkasi bilan o'rang.
10. Qolgan korj qismidan uchburchak shakllar kesing. Salat idishi shaklini takrorlagan holda korj qismlarini zich qilib terib chiqing.
11. Bodomni blender yordamida maydalang. Shokoladni pichoq yordamida mayda bo'laklarga bo'ling.
12. Qaymoqni shakar bilan ko'pirtiring.
13. Maydalangan bodom va shokoladni soling va aralashtiring.
14. Danaklaridan ajratilgan gilosni soling va aralashtiring.
15. Tayyorlangan kremni salat idishiga terilgan korj ustidan quying.
16. Kesilgan yumaloq korjni krem ustidan yoping. 6-8 soatga muzlatgichga qo'ying.
17. Belgilangan vaqt o'tib tayyor desertni laganga extiyotkorlik bilan ag'daring. Tayyor desertni qirg'ichdan chiqarilgan shokolad bilan bezating. Yaqinlaringizga nozik va lazzatbaxsh desertni taqdim eting.
Yoqimli ishtaxa !
