Barcha uchun tanish bo'lgan desertlardan biri. Bir-biri bilan birlashgan nozik krem va ajoyib bulochka dasturxon davrasida barcha uchun manzur bo'lib, lazzatlanish baxtini taqdim etishi turgan gap. Tayyorlanishi oddiy, biroq juda ham yoqimli ta'mga ega. Buni albatta tayyorlang !
Kerakli masalliqlar :
250 ml suv
100 gramm saryog'
4 dona tuxum
180 gramm un
1/2 choy qoshiq ichimlik sodasi
Hohishingizga ko'ra krem
Tayyorlash usullari :
1. Suvni qaynating.
2. Saryog'ni soling, eriting.
3. Biroz vaqt mobaynida qaynating.
4. Qaynab turgan saryog'li massaga unni soling, aralashtiring va 2 daqiqa davomida olovda ushlab turing.
5. Tayyorlangan massani ozroq sovuting. Birma-bir tuxumlarni soling, yaxshilab aralashtiring.
6. natijada silliq va bir xil konsistensiyali massa hosil bo'lishi lozim.
7. Pishirish qolipiga pergament qog'ozi yozing yoki yog' bilan surting. Osh qoshiq yoki maxsus konditer shpritsi yordamida uzunligi 10-11 sm hajmda shakllar chiqaring. 180 darajada qizdirilgan gaz pechida 35-40 daqiqa davomida pishiring. Pishirish davomida gaz pechini ochmang.
8. Tayyor eklerlarni sovuting. Krem bilan to'ldiring. Shakar kukuni yoki eritilgan shokolad bilan bezating.
9. Tayyor, nozik eklerlarni yaqinlaringizga taqdim eting.
Yoqimli ishtaxa !
