Oddiy ammo juda ham mazali ! Tayyorlanishi oddiy, natijasi esa mo'jizaviy lazzatlanishni taqdim etadi. Kundalik menyu uchun ajoyib yangilik. Dasturxon davrasida hech kimning e'tiboridan chetda qolmasligi turgan gap. Buni albatta tayyorlang !
Kerakli masalliqlar :
200 gramm saryog'
3 dona tuxum sarig'i
100 gramm shakar
1 choy qoshiq qabartma
300-350 gramm un
600 gramm quyultirilgan sut
Tayyorlash usullari :
1. Tuxum sariqlarini shakar bilan aralashtiring.
2. Saryog'ni soling va aralashtiring.
3. Qabartma va unni soling, xamir qoring.
4. Tayyorlangan xamirni teng 4 qismga bo'ling. Xamirning har bir qismini aloxida-aloxida 15x15 sm hajmda, 3-5 qalinlikda yoyib, 180 darajada qizdirilgan gaz pechida 10-15 daqiqa davomida pishiring. Sovuting.
5. Desert tayyorlanadigan idishga pishirilgan korjning 1 donasini qo'ying. Quyultirilgan sutni surting.
6. 2 korjni qo'ying va quyultirilgan sutdan surting. Qolgan korj va quyultirilgan sut qismi bilan shu holni takrorlang.
7. Desert devorlari va ustki qismini quyultirilgan sut bilan surting. Yig'ilgan desertni 2-3 soatga muzlatgichga qo'ying.
8. Belgilangan vaqt o'tib tayyor desertni hohishingizga ko'ra qirg'ichdan chiqarilgan shokolad yoki maydalangan yong'oq bilan bezating. Tayyor desertni yaqinlaringizga taqdim eting.
Yoqimli ishtaxa !
