Sizlarning e'tiboringizga italyanlarning sevimli muzqaymog'i retseptini taqdim etamiz. O'ylaysizki muzqaymoqning tayyorlanishi murakkab, maxsus qurilmalar yordamida tayyorlanadi desangiz qattiq adashasiz. Uy sharoitida ham mazali va barchaga manzur bo'ladigan muzqaymoq tayyorlash mumkin. Siz faqat buni sinab ko'rsangiz bas.
Kerakli masalliqlar :
500 ml qaymoq
5 dona tuxum
150 gramm shakar
200 gramm qulupnoy
3 choy qoshiq kakao kukuni
2 choy qoshiq vanilin shakari
Tayyorlash usullari :
1. Qaymoqni ko'pirtiring.
2. Tuxum oqdan sariqlarini ajrating va sariqlarni shakar bilan aralashtiring, ko'pirtiring.
3. Ko'pirtirilgan qaymoq va tuxum sariqlarini birlashtiring, aralashtiring.
4. Tuxum oqlarini bir chimdim tuz bilan yengil, ko'pik holiga kelgunga qadar ko'pirtiring.
5. Qaymoqli massaga ko'pirtirilgan tuxum oqini qo'shing.
6. Extiyotkorlik bilan aralashtiring.
7. Mevani blender yordamida maydalang.
8. Tayyorlangan qaymoqli massani 3 qismga bo'lib, idishlarga quyib chiqing. Aralashmaning bir qismiga vanilinni qo'shing, ikkinchi qismiga kakao kukunini va uchinchi qismiga esa meva pyuresini qo'shing va aralashtiring. Muzqaymoq quyilgan idishlarni 6-8 soatga muzlatgich muzxonasiga qo'ying.
9. Belgilangan vaqt o'tishi bilan muzqaymoqlarni yaqinlaringizga tortiq qiling.
Yoqimli ishtaxa !
