Mashhur va sevimli mimoza salati barcha uchun ma'qul bo'la oladigan salat turlaridan biridir. Bugungi salat retsepti va tayyorlanish usullari o'zgacha. Ushbu mazali salatni yaqinlaringiz uchun tayyorlasangiz dasturxon davrasida barchaga ma'qul bo'lib, lazzatlanish baxtini taqdim etadi.
Kerakli masalliqlar :
200 gramm baliq konservasi (sayra)
300 gramm kartoshka
200 gramm sabzi
150 gramm piyoz
4 dona tuxum
Ta'bga ko'ra tuz va mayonez
Tayyorlash usullari :
1. Sabzi va kartoshka sabzavotlarini yuving, tuz solingan suvda butunlay tayyor bo'lgunga qadar pishiring. Sovuting. Sovutilgan sabzavotlar po'stini tozalang.
2. Piyozni tozalang va mayda to'rtburchak shaklda to'rg'ang.
3. Piyozni qaynoq suvda 10 daqiqa davomida uyuting. So'ng, sovuq suvda yuving. Bu bosqich piyoz achchig'idan xalos bo'lish uchun.
4. Sabzi, kartoshka, tuxum oqini qirg'ichning kichik tomonidan o'tkazing.
5. Tuxum sariqlarini aloxida qirg'ichning kichik tomonidan chiqaring.
6. Konserva idishidan baliq bo'laklarini ajratib oling. Sanchqi yordamida baliqni maydalang.
7. Salat uchun tayyorlangan idishda salatni yig'ishni boshlang. Birinchi navbatda baliqni soling.
8. Baliq ustidan tuxum oqini soling va mayonez surting.
9. Sabzini soling va mayonez surting.
10. Sabzi ustidan marinadlangan piyozni soling.
11. Piyoz ustidan kartoshkani soling, tuz seping va mayonez bilan surting.
12. Salatning ustki qismiga tuxum sarig'ini sepgandek soling. Ko'kat bilan bezating. Salatni 30 daqiqaga muzlatgichga qo'ying. Tayyor salatni dasturxonga torting.
Yoqimli ishtaxa !
