Sevimli, mazali va nozik piroglarning biri bu albatta smetannikdir. Ushbu mazali pirog uchun barcha masalliqlar yilning har faslida mavjud. Tayyorlanishi juda ham oson. Mazasi juda ham mazali ushbu pirog barcha uchun manzur bo'ladi.
Kerakli masalliqlar:
1 stakan un
1 stakan shakar
1 stakan smetana
3 tuxum
Limon po'sti
1 stakan maydalangan yong'oq
Tuz va ichimlik sodasi
Tayyorlash usuli:
1. Tuxum, bir chimdim tuz va shakarni birlashtirib, shakar erigunga qadar ko'pirtiring.
2. So'ng, maydalangan limon po'sti va smetanani qo'shib extiyotkorlik bilan aralashtiring.
3. Un, ichimlik sodasi va yana bir chimdim tuzni oz-ozdan qo'shing. Maydalangan yong'oqni qo'shib bir xil massa hosil bo'lgunga qadar aralashtiring.
4. Pishirish qolipi tagiga pergament qog'ozi yozing, atroflarini ozgina o'simlik yog'i bilan surting. Tayyor xamirni qolipga quying va ustini tekistlang.
5. 180 darajada qizdirilgan gaz pechida 25-30 daqiqa davomida pishiring. Belgilangan vaqt mobaynida gaz pechini ochmang. Mazali pirog tayyor.
Yoqimli ishtaxa!
