Bugun bizning menyumizda baliq va sabzavotlar. Vitaminlarga va minerallarga boy ushbu taom o'zining mazasi bilan sizni lol qoldirishi aniq. Kechki ovqat dasturxonida ham bu taom o'zining yorqin o'rnini egallaydi.
Kerakli masalliqlar:
1 kg sazan balig'i
3-4 dona bulg'or qalampiri
400 gramm pomidor
2 dona piyoz
5-6 dona ukrop ko'kati shoxi
5-6 dona sarimsoq donachasi
1 osh qoshiq tomat pastasi
100 ml o'simlik yog'i
Ta'bga ko'ra tuz va ziravorlar
Tayyorlash usuli:
1. Tozalab, yuvib, quritilgan baliqni katta bo'lmagan bo'laklarga bo'ling. Baliq bo'laklariga tuz va qora qalampir seping. Qizdirilgan yog'ga soling.
2. Baland olovda baliqning har tomonlarini 2 daqiqa vaqt mobaynida qovuring, so'ng laganga oling.
3. Huddi shu tovada yarim halqa shaklida kesilgan piyozni qovuring.
4. Piyoz bilan birga somoncha shaklida to'rg'algan bulg'or qalampirini soling va 1 daqiqa qovuring.
5. Bo'laklarga bo'lingan pomidor, tomat pastasi, maydalangan sarimsoq, tuz va ziravorlar soling. Aralashtiring va qopqoq ostida 10 daqiqa davomida past olovda dimlang.
6. Maxsus pishirish qolipiga qovurilgan sabzavotlarni, ustiga esa baliqni terib chiqing.
7. 180 darajada qizdirilgan gaz pechida 20 daqiqa davomida baliqni pishiring.
8. Tayyor baliq bo'laklari va sabzavotlarni dasturxonga torting.
Yoqimli ishtaxa!
