Ushbu yoqimli va mo'jizali sharchalar kechki ovqat dasturxonida hech kimni befarq qoldirmaydi. Nozik, mazali va to'yimli bo'lgan ushbu taomning tayyorlanishi oddiy, mazasi esa sizga ulkan lazzatlanish baxtini ulashadi. Ushbu retsept bo'yicha albatta tayyorlang. Yaqinlaringizga quvonch ulashing.
Kerakli masalliqlar:
500 gramm tovuq filesi
1 dona tuxum
50 gramm un
1/2 choy qoshiq tuz
1/4 choy qoshiq murch
1 dona bulg'or qalampiri
100 gramm pomidorning cherri turi
Tayyorlash usuli:
1. Birinchi navbatda go'sht qiymalagich yoki blenderning o'rtacha tezligida go'shtni qiymalang.
2. Go'sht qiymasiga tuxum, ziravorlar va 1 osh qoshiq un qo'shib, aralashtiring.
3. Tayyorlangan qiymadan un sepilgan oshxona taxtasi ustida, yong'oq hajmida sharchalar yasang.
4. Tayyor kotlet donachalarini qizdirilgan o'simlik yog'ida 3-5 daqiqa mobaynida, qizartirib qovuring.
5. Qovurib olingan kotletchalarni oshxona sochig'i yoyilgan idishga soling. Ortiqcha yog'i ajralishi uchun.
6. Qiymaning qolgan qismi bilan ham shunday yo'l tuting.
7. Tayyor kotletlarga 5 daqiqa dam bering. Bu vaqt mobaynida pomidorni yuvib, quruting. Bulg'or qalampirini tozalang va to'rtburchak shaklda kesib chiqing.
8. Kotletlar va sabzavotlarni quyida rasmda ko'rsatilgan ketma-ketlikda yog'och shishlarga o'tkazib chiqing va issiq holida dasturxonga torting.
Yoqimli ishtaxa!
